17 чэрвеня ў Мінску стартуе выстава "Нацыянальная бяспека. Беларусь-2026"

Найноўшая амуніцыя, а таксама самыя сучасныя тэхналогіі. У Мінску 17 чэрвеня стартуе выстава "Нацыянальная бяспека. Беларусь-2026".

Многія з экспанатаў дэманструюцца ўпершыню. Напрыклад, БПЛА, усталёўкі радыёэлектроннай барацьбы, бронекамізэлькі і іншыя ахоўныя сродкі, а таксама мноства тэхналогій для паспяховай працы спецслужбаў.

Выстава праводзіцца раз на два гады, чаргуючыся з форумам ваеннага ўзбраення і тэхнікі MILEX.

Нацыянальны выставачны цэнтр "Белэкспа" ўжо больш нагадвае плацдарм, дзе высадзіліся спецслужбы, міліцыя, ратавальнікі, медыкі, вайскоўцы і нават спецпадраздзяленні. Толькі ад Беларусі афіцыйную падтрымку выставе аказваюць больш як 20 ведамстваў і арганізацый. Колькасць удзельнікаў сёлета пераадолее адзнаку некалькі дзясяткаў.

Выстава праводзіцца як комплекс кангрэсна-выставачных мерапрыемстваў, накіраваных на стварэнне камунікацыйнага асяроддзя для абмеркавання інавацыйных ідэй, абмену інфармацыяй аб вытворча-тэхналагічных дасягненнях у галіне спецыяльных сродкаў, спецыяльнай тэхнікі і ўзбраення.

Таксама яе праводзяць з мэтай шырокамаштабнага паказу высокатэхналагічных, інавацыйных распрацовак і гатовых рашэнняў, якія спрыяюць удасканаленню тэхнічнай абсталяванасці праваахоўных органаў і іншых сілавых структур, дзейнасць якіх накіравана на рэалізацыю дзяржаўнай палітыкі Рэспублікі Беларусь у сферы забеспячэння нацыянальнай бяспекі.

III Міжнародная выстава "Нацыянальная бяспека. Беларусь-2026" пройдзе з 17 па 19 чэрвеня. Гасцей чакае не толькі разнастайнасць стэндаў, але і шмат інтэрактыву.

Вялікая частка пляцовак будзе прапаноўваць гледачам пагрузіцца ў атмасферу працы спецслужб, напрыклад, паспрабаваць сябе ў ролі ратавальніка, медыка, міліцыянера або нават байца спецназу. Так што паглядзець сапраўды будзе на што.