2 сакавіка праваслаўныя вернікі святкуюць Даравальную нядзелю

Праваслаўныя вернікі 2 сакавіка святкуюць Даравальную нядзелю. Гэта свята завяршае Масленічны тыдзень, пасля якога наступае Вялікі пост, піша БЕЛТА.

Праваслаўная царква вучыць: спачатку прымірыся з людзьмі, а ўжо потым шукай магчымасць прымірыцца з Богам. Здаўна існавала правіла - прасіць у гэты дзень адно ў аднаго прабачэння за ўсе бачныя і нябачныя крыўды, а ў адказ належыла гаварыць: "Бог прабачыць", як бы выказваючы спадзяванне, што на нябёсах Бог не абавяжа чалавеку ў грэх тое, што яму прабачылі на грэшнай зямлі. Евангелле ад Матфея абвяшчае: "Калі вы будзеце прабачаць людзям грахі іх, то прабачыць і вам Айцец ваш Нябесны".

У Даравальную нядзелю на літургіі маюць магчымасць чуць евангельскае чытанне, дзе гаворыцца аб прабачэнні грахоў, посце і збіранні нябесных скарбаў. Царква дае навучанні вернікам наконт правільных паводзін падчас Вялікага посту і заклікае вернікаў павініцца адно перад адным ва ўсіх крыўдах і грахах, прымірыцца і прабачыць усё назапашанае. Адно з правіл абвяшчае: "Не асуджай блізкага свайго". Святары самі падаюць добры прыклад і першымі просяць у сваёй паствы прабачэння.

У гэты дзень прынята хадзіць на магілы памерлых сваякоў і блізкіх людзей, каб пакаяцца за калісьці нанесеныя ім крыўды.

У Даральваную нядзелю апошні раз ужываецца скаромная ежа, але без мяса. У панядзелак, 3 сакавіка, у праваслаўных пачынаецца Вялікі пост.