28 кастрычніка ў НАН будзе дадзены старт 17-й Беларускай антарктычнай экспедыцыі

28 кастрычніка ў Нацыянальнай акадэміі навук Беларусі будзе дадзены ўрачысты старт 17-й Беларускай антарктычнай экспедыцыі.

У 2024 годзе на Паўднёвы полюс адправяцца 14 чалавек пад кіраўніцтвам вопытнага палярніка, удзельніка ўсіх папярэдніх экспедыцый Аляксея Гайдашова. У мінулым сезоне вопытная каманда навукоўцаў і тэхнічнага персаналу амаль шэсць месяцаў знаходзіліся на лядовым кантыненце, праводзячы даследаванні на Беларускай антарктычнай станцыі. Гэта фізіка атмасферы, маніторынг азонавага пласта, біялогія, геафізіка, сейсмалогія, экалогія і іншыя асноўныя кірункі.

Антарктыка - ідэальны прыклад непрадузятых і канструктыўных адносін паміж рознымі дзяржавамі. Важнасць засваення ўнікальнага кантынента стаіць нароўні з такімі маштабнымі мэтамі, як заваяванне космасу, развіццё атамнай энергетыкі, процідзеянне пандэміям. І Беларусь у гэтым прымае самы актыўны ўдзел.