Ад мікраэлектронікі да электрамабіляў. Беларуская навука прапаноўвае перадавыя распрацоўкі

Беларуская навука імкнецца ісці ў нагу з сусветнымі трэндамі і прапаноўвае перадавыя распрацоўкі. Пра гэта гаварылі падчас сесіі Агульнага сходу Нацыянальнай акадэміі навук у Мінску.

Сёння нашы спецыялісты працуюць ва ўсіх галінах - ад мікраэлектронікі і космасу да новых матэрыялаў і аграрных тэхналогій. Толькі за мінулы год у эканоміку ўкаранёна больш як 300 распрацовак. Адны з іх - звышчыстае кварцавае шкло для мікраэлектронікі, створаны РНК-вакцыны супраць анкалогіі, а таксама невялікая серыя электрамабіляў.

Сумесна з Мотавелазаводам вялася праца над электраматацыклам. Усё больш увагі навукоўцамі надаецца галіне штучнага інтэлекту. Яшчэ адзін наш прыярытэт - біятэхналогіі. Рэгулярна з'яўляюцца навінкі ў групе стымулятараў росту раслін, сродкаў для абароны ад шкоднікаў і хвароб.