Белстат: у Беларусі ў 2024 годзе правялі амаль 900 тыс. аперацый

Беларусь адзначае Дзень медыцынскіх работнікаў. А Белстат напярэдадні свята апублікаваў новыя звесткі.

На 10 тыс. беларусаў, паводле звестак за 2024 год, 54 урачы і 136 сярэдніх медработнікаў. Паказчык вышэйшы, чым у Нарвегіі, Германіі, Швейцарыі. Беларусь - лідар у Еўропе па забяспечанасці насельніцтва медработнікамі. Сярод краін СНД па гэтым паказчыку мы лепшыя.

На пачатак 2025 года ў Беларусі налічвалася 56,2 тыс. урачоў-спецыялістаў і 123,9 тыс. сярэдніх медыцынскіх работнікаў.

Летась правялі амаль 900 тыс. аперацый, 1153 трансплантацыі.

Нашы ўрачы зарэкамендавалі сябе. Якасць і цана – гэта прываблівае сёння і іншаземцаў. Акрамя стацыянарнай меддапамогі, запатрабаваны санаторна-курортнае лячэнне і стаматалагічныя паслугі.

Беларускія ўрачы аказалі дапамогу іншаземцам з больш як 150 краін. У топ-5 краін - спажыўцоў паслуг у галіне аховы здароўя: Расія, Казахстан, Латвія, Сербія і Кітай. Нашы ўрачы аказвалі медпаслугі і грамадзянам з аддаленых краін: Аўстраліі, Новай Зеландыі, Амерыканскага Самоа і Фіджы.