Дзень беларускага драніка: як падарунак Прэзідэнта ператварыўся ў цэлы фестываль у Дагестане

Дзень беларускага драніка адзначаюць 20 верасня ў Дагестане. Бульба з падворка Прэзідэнта Беларусі Аляксандра Лукашэнкі паспяхова прайшла выпрабаванні ва ўмовах горнага клімату і парадавала мясцовых жыхароў добрым ураджаем.

Год назад культурны і грамадскі дзеяч Хізры Асадулаеў на сустрэчы Аляксандра Лукашэнкі з прадстаўнікамі розных нацыянальнасцяў абмовіўся аб сваім жаданні зрабіць у родным сяле "фестываль беларускіх дранікаў" менавіта з прэзідэнцкай бульбы.

Аляксандр Лукашэнка гэтую просьбу пачуў. І ўжо вясной у горную рэспубліку адправіліся 100 кг насеннай бульбы "Першацвет" беларускай селекцыі (падрабязнасці ў відэа).