Гістарычная падзея: беларускі аэрастат зрабіў самы далёкі свабодны палёт у гісторыі краіны

Гістарычная падзея для ўсёй авіягаліны Беларусі - зафіксаваны новы рэкорд па далёкасці свабоднага палёту аэрастата. Гэтае ўнікальнае дасягненне належыць пілотам кампаніі, што арганізуе палёты на паветраных шарах. Месцам старту стаў спартыўны стадыён Беларускай дзяржаўнай акадэміі авіяцыі. Падрыхтоўка да рэкорду была доўгай і карпатлівай, бо так важна было выбраць ідэальнае надвор'е.

У неба ўзняліся два паветраныя шары. Адлегласць палёту склала 120 кіламетраў. На свае вочы ўбачыць гэтае грандыёзнае відовішча прыехалі курсанты акадэміі, школьнікі і іх бацькі.

У падрыхтоўцы да запуску дапамагалі і самі курсанты акадэміі. Для іх гэта выдатная магчымасць атрымаць новыя тэарэтычныя і практычныя навыкі. Ды і ў цэлым такая ўнікальная падзея даказвае, што айчынная авіягаліена развіваецца і нашы пілоты гатовы ставіць новыя рэкорды не толькі ў Беларусі, але і сусветныя.