Калі глядзець трансляцыі калядных набажэнстваў

У касцёлах 24 і 25 снежня пройдуць святочныя імшы. Каляднае набажэнства ў Архікафедральным касцёле Найсвяцейшай Панны Марыі напярэдадні Раства правядзе кіраўнік каталіцкай канфесіі Беларусі - мітрапаліт Мінска-Магілёўскі Іосіф Станеўскі. Трансляцыю імшы паводле традыцыі будзе весці Белтэлерадыёкампанія пасля "Панарамы" ў 21:45.

У 23:30 "Беларусь 1" працягне святочны эфір трансляцыяй каляднай службы з Ватыкана з удзелам Папы Рымскага Францыска.

А 25 снежня ў 8:50 на "Беларусь 1" мітрапаліт Мінска-Магілёўскі Іосіф Станеўскі павіншуе вернікаў з Раством.

Тэлеканал "Беларусь 3" падхопіць каляднае вяшчанне. У 15:35 нас чакае трансляцыя з Ватыкана. Папа Рымскі Францыск звернецца з пасланнем і благаславеннем "Граду і свету".