Каранік пазначыў прыярытэты ў рабоце НАН Беларусі

Забяспечыць эканоміку прыкладнымі навуковымі распрацоўкамі, інавацыйнымі рашэннямі і прарыўнымі праектамі, сканцэнтраваць намаганні на больш перспектыўных кірунках. Такія прыярытэты ў рабоце Нацыянальнай акадэміі навук пазначыў новы старшыня Прэзідыума НАН Уладзімір Каранік. 23 мая яго калектыву прадставіў прэм'ер-міністр.

Аляксандр Турчын падкрэсліў, што ўрад ускладае вялікія надзеі на навуковую школу ў выкананні задач, пастаўленых Прэзідэнтам.

Кіраўнік урада таксама падзякаваў за работу папярэдняму кіраўніку Нацыянальнай акадэміі навук. Уладзімір Гусакоў займаў пасаду з 2013 года, пад яго кіраўніцтвам Акадэмія навук дабілася шматлікіх значных вынікаў.