Каталіцкі храм Святога Міхаіла Архангела ў Навагрудку адзначае 400-годдзе

28 верасня ў Навагрудку пройдуць вялікія ўрачыстасці: 400-годдзе адзначае адзін з самых старажытных і прыгожых касцёлаў Беларусі - каталіцкі храм Святога Міхаіла Архангела.

Гісторыя дома Божага пачынаецца ў 1624 годзе, калі ў цэнтры Навагрудка быў пабудаваны драўляны храм. Праз стагоддзе ён ператварыўся ў каменны касцёл у стылі барока. У пачатку XIX стагоддзя набыў свайго заступніка: быў названы ў гонар архангела Міхаіла, які лічыцца дабрадзеем гэтых земляў. Тут была духоўная школа, у якой вучыўся беларускі асветнік і паэт Адам Міцкевіч.

Касцёл ўцалеў у гады Вялікай Айчыннай вайны, а ў пасляваенныя - пацярпеў ад пажару, але быў адноўлены ў 90-я.

Сёння Свята-Міхайлаўскі касцёл - духоўны і культурны цэнтр Навагрудка, помнік мінулага, які прываблівае турыстаў. У касцёле захавалі старажытны арган і адкрылі для прагляду падземную крыпту.

Увесь год у храме праходзяць юбілейныя мерапрыемствы: канцэрты, канферэнцыі, хрэсныя хады, малітоўныя сустрэчы. Сёння і заўтра - кульмінацыя ўрачыстасцяў.