Хрэсны ход і начная працэсія. 4 ліпеня стартуе Будслаўскі фэст

4 ліпеня ў Будславе стартуе традыцыйны, ужо 35-ы па ліку, духоўны фестываль у гонар хрысціянскай святыні - цудатворнай іконы Маці Божай Будслаўскай.

Форум, уключаны ў рэпрэзентатыўны спіс нематэрыяльнай культурнай спадчыны ЮНЕСКА, пройдзе 4 і 5 ліпеня. "Міласэрнасць Божая - давяраем Табе" - такі дэвіз для свята сёлета выбралі арганізатары.

Праграма фестывалю ўключае ў сябе прэзентацыі пілігрымак, моладзевыя інтэрактывы, тэматычныя канферэнцыі, хрэсны ход і ўражлівую начную працэсію з копіяй выявы Маці Божай Будслаўскай.

Фестывальнай асаблівасцю гэтага года стане святое набажэнства, якое ўпершыню ўзначаліць Апостальскі нунцый архіепіскап Іньяцыа Чэфалія. Прамую трансляцыю будзе весці Белтэлерадыёкампанія.

На ўрачыстасці ў горад сцякаюцца паломнікі з усёй Беларусі.

Фота БЕЛТА