Касінскі распавёў пра новую канцэпцыю ваеннага парада 9 Мая ў Мінску

Рэпетыцыі ваеннай часткі парада да 9 Мая пачнуцца ўжо заўтра. На працягу 5 тыдняў на аэрадроме Ліпкі пад Мінскам будуць праходзіць трэніроўкі механізаванай калоны. Пра гэта паведамілі ў Мінабароны.

У сувязі з перамяшчэннем тэхнікі да месца і зваротна ў сталіцы будзе часова (прыкладна на гадзіну) абмежаваны рух з 4:50 ад вуліцы Заснавальнікаў да знешняга кола МКАД і на частцы дарогі да аэрадрома.

Вечарам з 19:50 тэхніка пройдзе ад месца трэніровак па сталічнай кальцавой вуліцы Скарыны і Старынаўскай. Жыхароў і гасцей Мінска просяць улічваць гэту інфармацыю.

Раней памочнік кіраўніка Мінабароны Леанід Касінскі анансаваў новую канцэпцыю ваеннага парада. З яго слоў, у калоне пройдуць 24 парадныя разлікі, у небе - лётная тэхніка.

Акрамя таго, у парадзе возьмуць удзел замежныя вайскоўцы з дружалюбных краін, у тым ліку Расіі і Кітая.