Літва раздумала забараняць уезд аўто з беларускімі нумарамі, але ёсць шэраг правіл

Літва адкарэкціравала парадак уезду аўто з беларускімі нумарамі.

З 14 лютага на тэрыторыю краіны можна прыехаць машынам, што належаць грамадзянам Беларусі, якія маюць літоўскую візу, часовае або пастаяннае пасведчанне на права жыхарства ў краіне ці з'яўляюцца грамадзянамі дзяржавы - члена ЕС і рэзідэнтамі Беларусі.

Адзначаецца, кіраваць транспартам павінен уладальнік, і машына не павінна прызначацца для продажу. Не забаронены ўезд аўтамабіляў з дыпламатычнымі нумарамі і якія перавозяць астанкі загінуўшых.