Моладзевы фестываль інавацыйных тэхналогій адкрыўся ў Нацыянальным дзіцячым тэхнапарку

12 чэрвеня ў Нацыянальным дзіцячым тэхнапарку адкрыўся Моладзевы фестываль інавацыйных тэхналогій. З раніцы ён стартаваў з робатурніра, які сабраў на адной пляцоўцы ў Мінску ўдзельнікаў з 23 гарадоў Беларусі і 34 гарадоў Расіі.

Гэтымі днямі Нацыянальны дзіцячы тэхнапарк ператварыўся ў сапраўдную арэну для бітвы робатаў. Робатурнір - гэта не проста спаборніцтва, а сапраўднае свята сучасных тэхналогій, а таксама магчымасць прадэманстраваць свае навыкі і пазмагацца за званне лепшых. Навуковы рынг аб'яднаў больш за 500 чалавек (гэта 392 каманды з Беларусі і Расіі).

Адзначым, што мінскі робатурнір - гэта адборачны этап для ўдзелу ў міжнародным фестывалі "РобаФініст", які пройдзе ў Санкт-Пецярбургу ўжо ў лістападзе 2025-га (падрабязнасці ў відэа).