Мусульмане ўсяго свету святкуюць заканчэнне Рамадана

Мусульмане ўсяго свету святкуюць заканчэнне святога ісламскага месяца Рамадан. Ураза-байрам завяршае строгі пост.

У гэты дзень вернікі імкнуцца зрабіць як мага больш добрых спраў дзеля ачышчэння душы. Таксама прынята памінаць нябожчыкаў і наведваць могілкі.

У дзень Ураза-байрам адразу пасля світанку ажыццяўляецца калектыўны намаз, на які большасць прыходзяць у мячэці. Свята доўжыцца ад аднаго да трох дзён, у залежнасці ад краіны.