Пакаянне і малітва. У хрысціян пачалася Перадвелікодная сядміца - самы строгі тыдзень Вялікага посту

У хрысціян пачалася Перадвелікодная сядміца - самы строгі тыдзень Вялікага посту, прысвечаны пакутам і смерці на крыжы Збавіцеля.

Вернікі імкнуцца правесці гэты час у цішыні, пакаяннях, малітве і ў падрыхтоўцы да сустрэчы Светлага Хрыстовага Уваскрэсення.

Вялікдзень 20 красавіка. І сёлета яго адначасова адзначаюць у хрысціянскім свеце праваслаўныя, католікі і большасць пратэстантаў. Кожны з дзён тыдня звязаны са значнымі евангельскімі падзеямі, у храмах пройдуць асаблівыя набажэнствы, самыя знамянальныя - у Вялікі чацвер і Перадвелікодную пятніцу.