Партыя самалётаў СУ-30СМ2 прыбыла ў Беларусь

Геапалітычнае становішча прымушае ўмацоўваць наш абаронны патэнцыял. Беларуская армія атрымала партыю расійскіх знішчальнікаў СУ-30СМ2.

Самалёты прыбылі на адзін з ваенных аэрадромаў. Ужо літаральна на наступным тыдні яны заступяць на баявое дзяжурства па супрацьпаветранай абароне.

Вядома, што гэта не апошняя партыя СУ-30СМ2 у 2025 годзе. Дзяржава надае пільную ўвагу падтрыманню Узброеных Сіл у баявой гатоўнасці, набыццю сучасных ўзораў ўзбраення, ваеннай і спецыяльнай тэхнікі.

Тое, што беларуская армія атрымае новую авіяцыю, анансаваў яшчэ ў суботу, 24 мая, міністр абароны. Віктар Хрэнін звярнуў увагу, што СУ-30СМ2 - гэта цалкам імпартазамешчаныя мнагацэлевыя знішчальнікі пакалення 4+. Самалёты мадэрнізаваны з улікам вопыту СВА.