Паветрана-дэсантным войскам 95 гадоў

Знакавы дзень для тых, хто гарантуе бяспеку нашай краіны - Паветрана-дэсантным войскам 95 гадоў. У суверэннай Беларусі сілы спецаперацый лічацца іх пераемнікамі.

Спектр задач гэтых байцоў адрозніваецца выключнай значнасцю. На паўднёвым кірунку, які патрабуе асаблівай увагі, служба сіл спецаперацый - найважнейшы элемент бяспекі.

Аказваюць дапамогу ў прыкрыцці меж. Неўласцівая для гэтага роду войскаў задача, але з 22-га года яны выконваюць яе для гарантавання бяспекі краіны.

Свае магчымасці байцы сіл спецыяльных аперацый прадэманстравалі на святочнай пляцоўцы ля Нацыянальнай бібліятэкі. Розыгрыш баявых эпізодаў, паказальныя выступленні вайскоўцаў і іскрынка свята - дэсантаванне ваеннага спецназу, не пакінулі гасцей абыякавымі.

2 жніўня святочныя мерапрыемствы пройдуць у воінскіх часцях ССА ў Брэсце, Віцебску і Мар'інай Горцы.