Пажарны з дзіцём і шчанюком на руках. У Гомелі адкрылі сквер ратавальнікаў

У Гомелі адкрылі першы ў краіне сквер ратавальнікаў. Ён стаў сімвалам павагі да працы тых, хто прыходзіць на дапамогу, калі здаецца, надзеі ўжо няма, а таксама ў гонар памяці подзвігу ліквідатараў аварыі ў Чарнобылі.

Цэнтральная фігура - трохметровая бронзавая скульптура пажарніка з дзіцём і шчанюком на руках. Тут жа - закладны камень у гонар ліквідатараў, якія не адступілі перад небяспекай. З часам у скверы ўзвядуць кампазіцыю "Памяць героям Чарнобыля".

Таксама сёння на ўрачыстай цырымоніі адзначылі прадстаўнікоў прадпрыемстваў і арганізацый за значны ўклад у развіццё дзейнасці ў сферах абароны насельніцтва ад надзвычайных сітуацый, а супрацоўнікам МНС уручылі дзяржузнагароды.