Праваслаўная царква адзначае Сёмуху

8 чэрвеня ў праваслаўных на календары - Сёмуха. У царкве ўспамінаюць евангельскую падзею - спасланне Святога Духу на апосталаў і з'яўленне людзям Трыадзінства Бога: Айца, Сына і Святога Духу.

Урачыстасць, якая адзначаецца на 50-ты дзень пасля Вялікадня, уваходзіць у лік 12 галоўных хрысціянскіх святаў. Яго таксама лічаць днём нараджэння царквы - супольнасці верных Хрысту і аб'яднаных Таінствамі.

Храмы паводле традыцыі ўпрыгожваюць бярозамі, а святары апранаюцца ў зялёнае адзенне. Вернікі прыходзяць асвяціць букеты зеляніны і ўпрыгожваюць жыллё аерам, кветкамі і травой.