Праваслаўныя адзначаюць Калядную куццю

У праваслаўных Калядная куцця. У храмах ужо пачынаюць асвячаць ваду. Існуе традыцыя купанняў у палонках, у якія вернікі апускаюцца трохразова. У Мінску месцы для купання будуць абсталяваны на Цнянскім вадасховішчы, на выратавальных станцыях "Камсамольскае возера" і "Дразды". Тут можна будзе акунуцца з 18 гадзін 18 студзеня да паўночы 19-га.

Хрысцільня будзе абсталявана на стадыёне "Дынама", тут купанні пройдуць з 18:00 да паўночы 18 студзеня і з 8:00 да 21:00 19-га. Таксама акунуцца ў свята Вадохрышча можна будзе ў храме ў гонар Усіх Святых з 20 гадзін 18 студзеня да паўночы 19-га.

Перад купаннем МНС рэкамендуе разагрэць цела - зрабіць размінку або прабежку. Для выгоды лепш выкарыстаць не слізкі абутак, які лёгка здымаецца. Катэгарычна забаронена купацца ў стане алкагольнага ап'янення, збірацца групамі на лёдзе каля палонкі.