Праваслаўныя адзначаюць вялікае свята - Вадохрышча

На праваслаўным календары сёння вялікае і светлае свята. Вернікі адзначаюць Богаяўленне або Вадохрышча. У храмах успамінаюць евангельскую падзею, калі трыццацігадовы Ісус Хрыстос прыйшоў на воды Іардана, каб прыняць хрышчэнне ад Іаана Прадцечы. Уступіўшы ў раку, Збавіцель тым самым асвяціў усе воды і паказаў людзям сваю Боскую сутнасць.

Урачыстасць у гонар свята пройдзе сёння ў храмах па ўсёй Беларусі. Пад скляпеннямі мінскага Свята-Духава кафедральнага сабора ўзначаліць святочнае набажэнства мітрапаліт Мінскі і Заслаўскі Веніямін, Патрыяршы Экзарх усяе Беларусі.