Раніцай на Мінск абрынуўся моцны лівень. На Камуністычнай прыступкі ператварыліся ў вадаспады

На ранішні Мінск абрынуліся наймацнейшыя ліўні. Мінсктранс паведамляе аб прыпыненні грамадскага транспарту на некаторых вуліцах: Гурскага, Глаголева, Льва Сапегі, Казінца, Мірашнічэнкі і Партызанскім праспекце. На Камуністычнай прыступкі ператварыліся ў вадаспады. У МУС заклікаюць да асцярожнасці: вадзіцеляў просяць не паркавацца пад дрэвамі, пешаходам быць уважлівымі пры пераходзе дарог, таксама рэкамендуецца адмовіцца ад паездак на самакатах і веласіпедах.

Паводле аператыўных звестак, у сталіцы зафіксавана 16 асноўных участкаў падтапленняў праезных частак у Ленінскім, Савецкім, Кастрычніцкім, Цэнтральным, Партызанскім і Маскоўскім раёнах горада. Зарэгістраваны 6 выпадкаў спынення руху грамадскага транспарту. Рух ажыццяўлялі па аб'язных маршрутах. Падраздзяленні МНС прыцягваліся ў адным выпадку для адпампоўкі вады з тэрыторыі прыватнага домаўласніцтва ў Кастрычніцкім раёне.

Ратавальнікі праводзілі работы па распілоўцы і ўборцы дрэва, якое ўпала ў Стаўбцкоўскім раёне, аказвалі дапамогу ў адпампоўцы вады з падтопленага жылога дома ў Дзяржынску.

Работнікі МНС манітораць сітуацыю ў сувязі з моцнымі дажджамі ў рэжыме рэальнага часу і знаходзяцца ў пастаяннай гатоўнасці. Паводле аператыўных звестак, пацярпелых няма.