Атмасфера светлага свята Раства пануе ў мінскім касцёле Маці Божай Будслаўскай

Католікі і пратэстанты Беларусі святкуюць Нараджэнне Хрыстовае.

Прэзідэнт Беларусі павіншаваў хрысціян, адзначыўшы, што ў такія дні па-асабліваму ўспрымаецца значнасць міру і згоды, шчырасці і паразумення. Сустрэўшы першую зорку разам з сям’ёй, вернікі збіраюцца ў храмах.

"Хрыстос нарадзіўся - Бог аб'явіўся!" - такімі песнапеннямі вітаюць сёння ў касцёлах. Беларускія католікі, як і ўсе заходнія хрысціяне, сустрэлі Божае Нараджэнне, і сёння - сапраўдны трыумф свята. З самага ранку і на працягу ўсяго дня расклад набажэнстваў у каталіцкіх храмах самы насычаны. Вернікі маюць магчымасць прыйсці ў касцёл у любы час.

Раство - гэта свята мацярынства, свята дзятвы. Таму маленькіх прыхаджан у касцёле Маці Божай Будслаўскай, што ў мінскім мікрараёне Каменная Горка, шмат.

У касцёле Багародзіцы Будслаўскай літургію праводзіць настаяцель прыхода ксёндз Францішак Рудзь. Святар таксама знайшоў час да набажэнства, каб павітаць ўсіх католікаў са святам Божага Нараджэння.

Здымачная группа "Першага інфармацыйнага" далучаецца да віншаванняў і зычыць усім беларусам, якія сёння адзначаюць Божае Нараджэнне, светлага, незабыўнага свята!