Традыцыі, водары і каларыт 12 краін свету. У Мінску адбыўся першы гастранамічны фестываль

Сёння Мінск ператварыўся ў сталіцу міжнароднага гастранамічнага і культурнага дыялогу. Упершыню ў сталіцы праходзіць міжнародны фестываль пад эгідай МЗС "Дыпламатыя смаку".

Мерапрыемства аб'яднала традыцыі, водары і каларыт 12 краін свету і міжнароднай арганізацыі, у іх ліку Венесуэлу, Індыю, Кітай і шэраг іншых. Удзельнікаў форуму павітаў міністр замежных спраў Максім Рыжанкоў. Ён адзначыў важнасць таккіх ініцыятыў для ўмацавання культурных сувязяў і ўзаемаразумення паміж народамі. Гастрафэст сабраў больш 150 гасцей з 23 краін свету! Сярод іх паслы, дыпламаты, прадстаўнікі міжнародных арганізацый.