У Фрунзенскім раёне Мінска з'явіўся экалагічны прыпынак

Ад ідэі да рэалізацыі. Яшчэ адзін праект ініцыятывы "Мінская змена" стаў упрыгажэннем сталіцы. У Фрунзенскім раёне прадставілі экапрыпынак, ідэю якога распрацавалі навучэнцы Мінскага каледжа тэхналогіі і дызайну. Яны працавалі сумесна з экспертамі ў галіне азелянення. Кветкі для аздаблення выбіралі тыя, што лепш за ўсё адаптуюцца ў гарадскім асяроддзі. У перспектыве такія прыпынкі з'явяцца па ўсім горадзе.

У сталіцы праходзіць 4-ты сезон праекта "Мінская змена", удзельнікі распрацоўваюць самыя смелыя ідэі: экалагічныя, інжынерныя, гістарычныя. Сёлета моладзь Фрунзенскага раёна прадставіла на конкурс больш за сотню праектаў.