У Мінску адкрыўся новы офіс Беларускага саюза жанчын

Беларусь - краіна для жыцця. Беларусы ўмеюць любіць сваё, ганарыцца сваёй гісторыяй і прымнажаць дасягненні дзеля будучыні. Дарэчы, вялікі ўклад у развіццё ўносяць менавіта беларускі. 24 ліпеня 2025 года ў Мінску адкрыўся новы офіс грамадскага аб'яднання "Беларускі саюз жанчын". Будынак стане сучасным цэнтрам прыцягнення новых лідараў і талентаў.

Зараз у Беларускага саюза жанчын з'явілася новая прапіска - вуліца Ракаўская, 14а. Гэта невялікі, але ўтульны будынак у гістарычнай частцы Мінска. Тут будзе сучасная прастора для дыялогу, стваральнай працы і рэалізацыі ініцыятыў. У новым офісе саюза будуць праходзіць як афіцыйныя мерапрыемствы, так і розныя выставы, трэнінгі, тэматычныя майстар-класы. Тут таксама размясціўся музей, які будзе паступова папаўняцца кнігамі і памятнымі падарункамі (гл. відэа).