У Мінску будзе асвячоны першы храм Армянскай апостальскай царквы

У Беларусь з афіцыйным візітам прыбыў Вярхоўны Патрыярх і Каталікос усіх армян Гарэгін Другі.

Першай лакацыяй дэлегацыі стаў манумент Перамогі ў Мінску, дзе госці ўсклалі кветкі і малітвай ушанавалі памяць герояў Вялікай Айчыннай вайны, бо народы аб'ядноўвае гістарычная памяць. Гэты візіт кіраўніка Армянскай апостальскай царквы ў нашу краіну першы. Армянскі народ блізкі беларускаму, нас звязвае шматвекавая сувязь.

18 мая Вярхоўны Патрыярх і Каталікос усіх армян асвеціць першы ў Беларусі храм Армянскай апостальскай царквы.

Храм Святога Рыгора Асветніка быў пабудаваны за тры гады на вуліцы Філімонава ў Мінску армянскай абшчынай. Разлічаны на адначасовае наведванне 75 вернікаў. Усяго ў нашай краіне пражывае каля 9 тыс. армян і дзейнічаюць 6 нацыянальна-культурных грамадскіх аб'яднанняў армянскіх абшчын.