У Мінску прайшло пасяджэнне Камісіі па разглядзе зваротаў беларусаў, якія знаходзяцца за мяжой

Яшчэ восем чалавек, якія нашкодзілі ў 2020 годзе і збеглі з Беларусі ў Еўропу, усё ўсвядомілі, абдумалі, раскаяліся і вырашылі вярнуцца дадому.

Чарговае пасяджэнне Камісіі па разглядзе зваротаў грамадзян Беларусі, якія знаходзяцца за мяжой, пад кіраўніцтвам генеральнага пракурора Андрэя Шведа адбылося ў Мінску. Восем зваротаў вынесены на разгляд членаў камісіі. У сваіх зваротах людзі, якія з'ехалі, заяўляюць пра жаданне вярнуцца, весці правапаслухмяны лад жыцця, паважаць нацыянальную сімволіку і традыцыі, усвядомлена і актыўна выконваць грамадзянскі абавязак.