У Нацыянальным аэрапорце Мінск узмоцнены кантроль з-за небяспечнага віруса Ніпах

У Нацыянальным аэрапорце Мінск узмацнілі кантроль з-за небяспечнага віруса Ніпах. Усе пасажыры і экіпаж, якія прылятаюць з розных краін, праходзяць санітарна-каранцінны кантроль. З дапамогай цеплавізараў спецыялісты вызначаюць тэмпературу кожнага чалавека.

Калі тэмпература 37,5 і вышэй, то чалавека адводзяць у медпункт для агляду, а пры падазрэнні на небяспечныя вірусы - змяшчаюць у ізалятар да пастаноўкі дыягназу.

Клінічны матэрыял адпраўляецца ў лабараторыю біятэхналогіі і імунадыягностыкі асоба небяспечных інфекцый, дзе ёсць магчымасць выявіць розныя экзатычныя вірусы.