Вадохрышча-2025: раскажам, дзе арганізуюць купелі ў Мінску і Мінскім раёне

На трох выратавальных станцыях у Мінску перад святам Вадохрышча арганізуюць купелі. Дзе пройдуць традыцыйныя акунанні, расказалі ў Асвод. Пра гэта піша "Мінск-Навіны".

У беларускай сталіцы вадохрышчанскія мерапрыемствы традыцыйна праводзяцца на Камсамольскім возеры (вул. Прагрэсіўная, 29а), вадасховішчах Дразды (вул. Веснінка, 2а) і Цнянскім (вул. Кальцова). Яны пачнуцца а 18-й гадзіне ў святочную куццю і прадоўжацца да 24:00 19 студзеня.

Яшчэ чатыры купелі  арганізуюць на тэрыторыі Мінскага раёна. Акунуцца можна будзе побач з выратавальнымі станцыямі "Вяча" (в. Пільніца), "Заслаўе-1" (Мінскае мора, в. Зарэчча), "Крыніца" (в. Зарэчча) і "Пціч" (в. Воўкавічы).

"Сумніўна, што на Вадохрышча будуць маразы: папярэдні прагноз надвор'я абяцае ў гэты дзень +4 °С. Калі ён пацвердзіцца, то купелі ў лёдзе выразаць не будуць, а ўвайсці ў ваду і акунуцца можна будзе з берага або з пірса. Аднак рабіць гэта ўсё роўна лепш у спецыяльна выдзеленых месцах пад наглядам ратавальнікаў. У гэтыя дні каля вадаёмаў будзе дзяжурыць не толькі Асвод, але і медыцынскія работнікі, МНС і МУС", - расказала афіцыйны прадстаўнік Асвод Кацярына Міхалёва.