Вальфовіч: Ваенныя зборы накіраваны на асваенне новых формаў і спосабаў вядзення баявых дзеянняў

Тэрытарыяльная абарона - адзін з найважнейшых кірункаў абароны Беларусі. Гэта адзначыў дзяржсакратар Савета бяспекі падчас свайго візіту ў Пастаўскі раён, дзе па даручэнні Прэзідэнта праводзіцца збор з ваеннаабавязанымі тэрытарыяльных войскаў.

Аляксандр Вальфовіч, наведаўшы аб'екты тэрабароны, высока ацаніў працу мясцовых улад. І ў размове з журналістамі падкрэсліў, што Беларусь, у адрозненне ад сваіх заходніх суседзяў, не робіць упор на павелічэнне колькасці дзеючых Узброеных сіл. Такія мерапрыемствы - гэта прыкмета часу і павышэнне абараназдольнасці краіны.

Са слоў дзяржсакратара Савета бяспекі, любыя ваенныя зборы накіраваны перш за ўсё на асваенне новых формаў і спосабаў вядзення баявых дзеянняў. Таму ў падрыхтоўку Узброеных сіл і іншых войскаў і фарміраванняў укараняецца вопыт сучасных ваенных канфліктаў.

Мерапрыемствы ў Пастаўскім раёне не сталі выключэннем.