Вайскоўцы дапамагаюць аграрыям убіраць ураджай у палях

Вайскоўцы дапамагаюць аграрыям ва ўборцы ўраджаю. Напрыклад, зводны ўзвод працуе ў Сенненскім і Гарадоцкім раёнах. Гвардзейцы адвозяць сабранае збожжа на захоўванне ў элеватары. Дырэктар сельгаспрадпрыемства ААТ "Бяленева" зазначыў, што армейцы дапамагаюць ім ва ўборачнай 20 гадоў, і гэта ўжо добрая традыцыя.

Ігар Пухоўскі, дырэктар сельгаспрадпрыемства ААТ "Бяленева":

"Зараз убіраем азімы рапс, азімы ячмень ужо цалкам убралі, а вось азімыя збожжавыя (пшаніца, жыта) яшчэ не паспелі. Умовы надвор’я спыняюць працэс, але мы ловім кожную пагодлівую хвіліну, каб убраць ураджай. Дапамога вайскоўцаў вельмі актуальная, таму што ў нас свайго транспарту адвозіць збожжа не хапае, бо агульная ўборачная плошча складае 2,7 тыс. га. І гэта самая вялікая ў Сенненскім раёне плошча да ўборкі".

Камандзір зводнага ўзвода Аляксей Дурко расказаў, што ўсяго працуюць два разлікі - 14 чалавек у Сенненскім раёне і 7 чалавек - у Гарадоцкім. А ўсяго ва ўборцы задзейнічана 14 адзінак тэхнікі - МАЗы, што перавозяць збожжа, і іншая тэхніка, што дапамагае па гаспадарцы.

Службу ў палях зараз нясуць і ўнутраныя войскі, задзейнічаныя ва ўборцы ўраджаю, рамонце і абслугоўванні тэхнікі. Дапамогу падшэфнай гаспадарцы  - ААТ "Александрыйскае" ў Шклоўскім раёне - байцы аказваюць ужо другі год.