Выстава-прысвячэнне Еўфрасінні Полацкай працягвае падарожжа па Беларусі

Духоўна-асветніцкі праект "Святасць зямлі беларускай" працягвае сваё падарожжа па Беларусі. Выстава ўжо была ў Мазыры, Навагрудку, Бабруйску, Светлагорску і многіх іншых гарадах, і сёння прыехала ў Барысаў. У Барысаўскай цэнтральнай раённай бібліятэцы імя Каладзеева - адбылося ўрачыстае адкрыццё экспазіцыі, прысвечанай адной са знакавых постацяў у гісторыі праваслаўя - святой прападобнай Еўфрасінні Полацкай.

"Святасць зямлі беларускай" - праект, прысвечаны 850-годдзю прастаўлення беларускай падзвіжніцы, асветніцы, прападобнай Еўфрасінні Полацкай. З нагоды даты вобраз святой увасаблялі ў мастацтве удзельнікі VIII Міжнароднага мастацкага пленэра, мастакі з розных куткоў Беларусі, а таксама з Малдовы і Расіі пісалі саму святую Еўфрасінню, яе эпоху, старажытны Полацк. 1 красавіка Барысаве адкрылася выстава, якая прэзентуе работы фіналістаў пленэра.

70 работ - нацюрморты, партрэты, пейзажы, сюжэтныя і сімвалічныя кампазіцыі. Самы розны аўтарскі погляд на зададзеную тэматыку, шырокая вобразнасць, разнастайнасць стыляў і жанраў. На адкрыцці выставы прысутнічалі і самі мастакі, і прадстаўнікі духавенства, арганізатары выставы, барысаўчане.

Сёлета Беларусь адзначае яшчэ адзін важны духоўны юбілей, звязаны з Полацкам. 900 гадоў спаўняецца Полацкаму Спаса-Еўфрасіннеўскаму жаночаму манастыру, пачатак якому і паклала святая Еўфрасіння. На працягу года пройдзе яшчэ мноства мерапрыемстваў, прысвечаных духоўным юбілеем. Выстава "Святасць зямлі беларускай" у Барысаве будзе працаваць па 10 красавіка. Спяшайцеся ўбачыць!