Якой будзе святочная афіша да Дня горада Мінска

Да Дня горада Мінска юныя артысты ўзорнай эстраднай студыі "Аванці" рыхтуюць новыя нумары. Калектыў будзе хедлайнерам на галоўнай сцэне ў парку Горкага. Там разгорнецца і новая лакацыя "Мінск савецкі".

14 верасня святочная праграма пачнецца ў 10:00 з ўскладання кветак да абеліска "Мінск - горад-герой".

А фестываль рэканструкцыі "Мінск старажытны" пакажа 10 стагоддзяў нашай гісторыі. Пляцоўка для рыцарскіх баталій разгорнецца на зялёнай зоне праспекта Пераможцаў.

Каля Палаца спорту адбудзецца свята "Мінск сучасны". У праграме - алімпійскі дзень і спаборніцтвы пажарных-ратавальнікаў.

У святочнай афішы ёсць прэм'еры! "Мінск губернскі", напрыклад. Ля ратушы загучыць прэзідэнцкі аркестр. А пасля чакаем на сцэне ўладальнікаў ганаровых узнагарод "Мінчанін года".

Фінальным акордам свята стане феерверк. Ён расфарбуе неба ў 23:00.