Знакавая дата. Свята-Успенскі Жыровіцкі манастыр адзначае дзве найважнейшыя падзеі

Найважнейшы цэнтр беларускага праваслаўя - Свята-Успенскі Жыровіцкі мужчынскі манастыр - 20 мая адзначае дзве вялікія падзеі: 505-годдзе стварэння манастыра і 555-годдзе з'яўлення Жыровіцкай іконы Божай Маці - адной з найбольш шануемых святынь Беларусі. Са знакавымі датамі суайчыннікаў павіншаваў Аляксандр Лукашэнка.

У манастыры адбудзецца святочнае набажэнства, якое ўзначаліць Патрыяршы Экзарх усяе Беларусі, мітрапаліт Мінскі і Заслаўскі Веніямін у саслужэнні архіерэяў і святароў Беларускай праваслаўнай царквы. Прадоўжыць урачыстасці хрэсны ход да Яўленскай царквы з чытаннем акафіста Жыровіцкай іконе Божай Маці.

Святыня лічыцца заступніцай Беларусі. Сёння яна шануецца праваслаўнай і каталіцкай цэрквамі як самая маленькая нерукатворная цудатворная ікона ў свеце.