180 дамоў чакае капрамонт. Даведаліся аб маштабных планах па добраўпарадкаванні Мінска

Амбіцыйныя планы на Год добраўпарадкавання. У Мінску больш за 180 дамоў чакае капрамонт, яшчэ больш у спісе на апгрэйд двароў з акцэнтам на безбар'ернае асяроддзе. Заменяць пакрыццё дарог і тратуараў, абсталяванне на дзіцячых пляцоўках, з'явіцца яшчэ больш тэматычных зон.

Вясной яркія кветкавыя акцэнты расфарбуюць вуліцы сталіцы. 50 тыс. кустовых руж высадзяць на цэнтральных праспектах, 1,5 млн аднагадовых раслін упрыгожаць гарадскія кветнікі, раздзяляльныя палосы і зялёныя зоны.