4 ліпеня ў Беларусі прагназуюцца да +26 °С і ўмераны вецер

Да 26 градусаў цяпла і паўднёвы з пераходам на паўночна-заходні ўмераны вецер прагназуюцца 4 ліпеня ў Беларусі, піша БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Чакаецца пераменная воблачнасць. Месцамі невялікія кароткачасовыя дажджы, у асобных раёнах магчымы навальніцы. Вецер паўднёвы з пераходам на паўночна-заходні ўмераны, уначы месцамі парывісты.

Тэмпература мінімальная ўначы 12-18 градусаў цяпла, максімальная днём 20-26 градусаў цяпла.