Беларусаў запрашаюць узяць удзел у экалагічнай акцыі "Гадзіна Зямлі - 2025"

Міністэрства прыродных рэсурсаў і аховы навакольнага асяроддзя запрашае жыхароў і арганізацыі Беларусі 29 сакавіка ўзяць удзел у экалагічнай акцыі "Гадзіна Зямлі - 2025", піша БЕЛТА са спасылкай на прэс-службу Мінпрыроды.

"Асноўная задача акцыі - акцэнтаваць увагу на пытаннях кліматычных змяненняў, эканоміі энергіі і экалагічнай бяспекі. Для ўдзелу досыць выключыць асвятленне і іншыя непершарадныя электрапрыборы на адну гадзіну - з 20:30 да 21:30 - у знак падтрымкі адказнага стаўлення да прыроды", - расказалі ў прэс-службе ведамства.