Белтэлерадыёкампанія правядзе трансляцыі галоўных канцэртаў "Cлавянскага базару ў Віцебску"

Белтэлерадыёкампанія будзе весці трансляцыі галоўных канцэртаў "Cлавянскага базару ў Віцебску".

10 ліпеня ў 22:00 "Беларусь 1" і "Беларусь 24" пакажуць тэлеверсію ўрачыстага адкрыцця Міжнароднага фестывалю мастацтваў "Славянскі базар у Віцебску". 11 ліпеня ў гэты ж час гледачы тэлеканалаў убачаць гала-канцэрт "Саюзная дзяржава запрашае!".

У суботу, 12 ліпеня, а 10-й гадзіне вечара "Беларусь 1" і "Беларусь 24" правядуць прамую трансляцыю першага дня конкурсу выканаўцаў эстраднай песні "Віцебск-2025" з праграмай "Сусветны хіт". Беларусь на конкурсе прадставіць Валерыя Бернатовіч.

Вянцом фестывальнага тыдня стане прамая трансляцыя цырымоніі закрыцця "Славянскага базару ў Віцебску", якая адбудзецца 13 ліпеня ў 21:00. Удзельнікі конкурсу выканаўцаў эстраднай песні выступяць з праграмай "Славянскі хіт" у суправаджэнні аркестра.