Без гаджэтаў і настаўнікаў-прадметнікаў. У Мінадукацыі распавялі аб змяненнях у правядзенні ЦЭ

2 навіны ў арганізацыі і правядзенні цэнтралізаваных экзаменаў чакаюць выпускнікоў. У 2025 годзе абітурыентам забаронена выкарыстоўваць тэлефоны і іншыя сродкі фота-, аўдыя- і відэазапісу на ўсёй тэрыторыі пункта правядзення ЦЭ.

Такое правіла ўвялі з-за таго, што некаторыя абітурыенты падчас іспытаў спрабавалі скарыстацца гаджэтамі ў калідорах або санвузлах. Зараз выпускнікі будуць здаваць усю тэхніку яшчэ на этапе прапускнога кантролю. Каб пазбегнуць чутак, быццам педагогі-прадметнікі могуць падчас іспыту падказваць навучэнцам, у Мінадукацыі вырашылі не ўключаць іх у лік арганізатараў, якія прысутнічаюць у аўдыторыі.

Цэнтралізаваны экзамен пройдзе ў 144 пунктах, а цэнтралізаванае тэсціраванне ў у асноўныя дні - у 40 пунктах, у дадатковыя дні - у 6. Задача - гарантаваць максімальна камфортныя і бяспечныя ўмовы. Тыя заўвагі, якія былі выяўлены па выніках рэпетыцыйнага тэсціравання, своечасова ліквідаваны.