БРСМ даў старт дабрачыннай акцыі "У школу з добрым сэрцам"

Апошні месяц лета - час падрыхтоўкі да новага навучальнага года. БРСМ даў старт дабрачыннай акцыі "У школу з добрым сэрцам".

Дзецям з малазабяспечаных, шматдзетных сем'яў, выхаванцам дамоў-інтэрнатаў можа дапамагчы кожны ахвотнік. Валанцёры руху арганізавалі пункты збору адзення і прылад у гандлёвых цэнтрах.

Дабрачынная акцыя прадоўжыцца да 10 верасня. Падарункі дзецям уручаць урачыста. Гэта будзе свята з інтэрактыўнымі пляцоўкамі і забаўнымі віктарынамі. Ні адно дзіця, якое мае патрэбу ў дапамозе, не застанецца без увагі.