Дэсант артыстаў Вялікага, розныя выставы - праграма "Марафону адзінства" ў Мазыры шырокая

Мазыр прымае рэспубліканскую акцыю "Марафон адзінства".

Як ніколі вялікі дэсант балерын і салістаў оперы Вялікага тэатра Беларусі высадзіцца на мазырскіх узгорках. Бясплатныя майстар-класы пройдуць у гарадскім Палацы культуры і музычным каледжы. Мазыране змогуць зрабіць праменад адразу па шасці выставах: убачыць кнігі ў падарунак Прэзідэнту, праз фота БЕЛТА  ацаніць дасягненні медыцыны і ўзлёт беларускай эканомікі.

Беларускія блогеры адправяцца ў мазырскі дзіцячы дом, каб зрабіць там для хлопчыкаў і дзяўчынак навагодні цуд. 

Мазыр, адзін з гарадоў беларускіх нафтавікоў, стане 11-м у маршруце "Марафону адзінства".