Эстафету "Марафона адзінства" прынялі блогеры і адправіліся на месца сілы беларускага Прэзідэнта

Першымі сёння эстафету "Марафона адзінства" прынялі блогеры. Віртуальны дэсант, за якім сочаць больш за 10 млн падпісчыкаў, адправіўся сёння не ў цэхі, а на месца сілы, якому належыць сэрца Прэзідэнта.

Копысь і Александрыя. Вёскі дзвюх абласцей - Віцебскай і Магілёўскай - своеасаблівы сімвал адзінства. Іх злучае мост і біяграфія лідара нацыі. Малая радзіма Аляксандра Лукашэнкі правяла сваімі эксклюзіўнымі маршрутамі. Старт - у школе, дзе Прэзідэнт асабліва палюбіў гісторыю і літаратуру. Тэматычныя класныя гадзіны і экскурсіі тут праводзяць дагэтуль. Безумоўна, сёння ў трэндах сацсетак зноў будзе тая самая парта ў трэцім радзе.

Не праехалі міма Трафімавай крыніцы. Узяць гаючую ваду з крыніцы, якую ў свой час выявіў дзед Прэзідэнта - Трафім. Праклаў сцежку і паставіў драўляную студню. Сёння тут асабліва маляўніча: чырвоныя дубы і сібірскія кедры прыцярушаны снегам. І хоць месцам хочацца любавацца не праз экран смартфона, блогеры паспелі і гэтыя краявіды зашыфраваць у кантэнт. Без фільтраў.

І майстры рылсаў атрымліваюць новы навык. Лепкі з гліны. У цэнтры народнай творчасці і рамёстваў Копысі. А да майстар-класа натхняліся творамі. Дарэчы, менавіта тут у 19-м і 20-м стагоддзях стваралі пячныя кафлі, якімі сёння абліцаваны каміны ў Крамлі.