Гэты кантэнт будзе ў трэндах. Удзельнікі "Фабрыкі блогераў" вялі прамыя эфіры з Палаца Незалежнасці

Маладыя, крэатыўныя і таленавітыя беларусы, якія будуць укараняць свае свежыя ідэі ў жыццё, сёння наведалі Палац Незалежнасці. На экскурсію былі запрошаны ўдзельнікі рэаліці-шоу "Фабрыка блогераў".

Нагадаем, праект сабраў найбольш вядомых вытворцаў мэдыякантэнту з усіх рэгіёнаў Беларусі. Яны папулярызуюць нашу краіну на розных платформах. Як прызналіся блогеры, кантэнт з такога месца дакладна заляціць у трэнды! Каб паказаць фаловерам рэзідэнцыю кіраўніка дзяржавы, удзельнікі прама на месцы вялі прамыя эфіры.