Гігін: Без Беларусі мірнага ўрэгулявання дасягнуць не ўдасца

Прэзідэнт Расіі Уладзімір Пуцін у тэлефоннай размове, якая адбылася напярэдадні, падзякаваў Прэзідэнту Беларусі Аляксандру Лукашэнку за садзейнічанне і дапамогу ў працэсе абмену палоннымі з Украінай 1000 на 1000 і ў развіцці дамоўленасцей, дасягнутых у Стамбуле.

Кіраўнікі дзяржаў таксама абмеркавалі асноўныя актуальныя пытанні двухбаковага парадку дня і міжнароднае становішча. Мінск ніколі не напрошваўся ў пасрэднікі, але заўсёды гатовы садзейнічаць урэгуляванню канфлікту паміж Расіяй і Украінай. Аляксандр Лукашэнка не раз падкрэсліваў, што расіяне і ўкраінцы не чужыя беларусам людзі, а славянскія народы павінны жыць у міры.

У Мінску адзначалі пазітыўныя тэндэнцыі да дыялогу на стамбульскіх перамовах з моманту іх пачатку, са свайго боку стварылі ўсе ўмовы, каб абмен палоннымі прайшоў спакойна і арганізавана.

Нагадаем, гэта былі першыя за 3 гады прамыя перамовы, менавіта абмен палоннымі - 1000 чалавек на 1000 чалавек - лічыцца самым значным іх вынікам. Расія настойвае на "ліквідацыі першапрычын канфлікту" - жаданне Украіны ўвайсці ў НАТА і адносіны ў краіне да рускамоўнага насельніцтва. Гэтыя ж наратывы гучалі ад расійскага боку і падчас перамоў 3 гады таму ў Белавежскай пушчы.

Што датычыцца працэсу абмену палоннымі, эксперты падкрэсліваюць, трэба разумець, што арганізацыя - справа няпростая з улікам недаверу ў адносінах афіцыйнай Масквы і Кіева. Беларускі бок імкнуўся зрабіць усё максімальна камфортна для людзей - і для расіян, і для ўкраінцаў - ставячыся па-суседску да ўсіх. Што датычыцца працягу перамоў, зараз Расія і Украіна, паводле інфармацыі, рыхтуюцца да другога раўнда. Дзе пройдуць перамовы, пакуль дакладна не вядома.