З 15 ліпеня ў Беларусі стартуюць школьныя базары

У Беларусі пачынаецца маштабны гандаль таварамі для школы. У новым навучальным годзе за парты сядуць 1,5 млн вучняў, каля 90 тыс. з іх - упершыню.

Школьныя кірмашы будуць арганізаваныя па ўсёй краіне. На іх можна будзе набыць усё, што павінна быць у школьніка: ад сшыткаў і партфеля да гальштука і пінжака. Да новага навучальнага года беларускія прадпрыемствы вырабяць каля мільёна адзінак школьнай прадукцыі. З улікам нераспрададзеных рэшткаў мінулых гадоў агульны аб'ём тавараў на рынку будзе прыкладна на 20 % большы, чым летась. Асноўныя вытворцы адзення, абутку і галантарэйных тавараў для школьнікаў - вядучыя айчынныя прадпрыемствы.

Міністэрства адукацыі заканадаўча замацавала патрабаванні да дзелавога стылю адзення навучэнцаў. Кожная школа мае права выбраць свой камплект.