Крымінальная справа карніка Іосіфа Вінніцкага неўзабаве будзе накіравана ў суд

Справы ў дачыненні нацысцкіх карнікаў працягваюць расследавацца ў Беларусі. Гэта распавёў генеральны пракурор краіны Андрэй Швед падчас адкрыцця новага будынка для работнікаў нагляднага ведамства ў Смалявічах.

Крымінальныя справы аб генацыдзе беларускага народа ў гады вайны ўжо даўно перараслі ў агульнанацыянальны праект. Пракуроры, якія закліканы стаяць на варце закона, выводзяць на чыстую ваду ўсё больш злачынцаў тых страшных гадоў.

Чарговая гучная справа ў дачыненні аднаго з кіраўнікоў 118-га карнага батальёна Іосіфа Вінніцкага, які, паводле матэрыялаў справы, мае дачыненне да забойства больш чым 400 чалавек, амаль 150 з іх дзеці, неўзабаве будзе накіравана ў суд (гл. у відэа).