Маштабнае веласіпеднае свята пройдзе ў Мінску

Дарогу веласіпедыстам. 31 мая ў цэнтры сталіцы пройдзе грандыёзнае свята. Для  ўсіх велааматараў добра знаёмы  велакарнавал "Viva Ровар". Месца збору - ля  Палаца спорту. Галоўнае, не забыць прыхапіць з сабою веласіпед і добры настрой.  Гісторыя "Viva Ровара" пачалася 10 гадоў таму,   а папярэдні велакарнавал праходзіў у рамках Мінскага міжнароднага веласіпеднага тыдня  6 гадоў таму і сабраў рэкордныя 30 тысяч удзельнікаў. Пасля  праект прыпыніў сваю дзейнасць з-за пандэміі. І вось доўгачаканае вяртанне.

Галоўны заезд стартуе ў 15:00. Ён  пройдзе па маршруце  ад Палаца спорту да "Мінск-Арэны" і зваротна.  Само свята прадоўжыцца з 10 раніцы і  да позняга вечара. Не будзем забываць і пра  самых юных веласіпедыстаў, для якіх у першай палове дня  пройдуць старты  "Першага ровара". У іх прымуць удзел каля 800 дзяцей.