МАРГ пракаменціраваў усталяваныя ўрадам тарыфы на ЖКП на 2025 год

Рост камунальных плацяжоў для стандартнай двухпакаёвай кватэры з трыма жыльцамі не перавысіць паловы базавай велічыні. Асноўны прынцып павышэння тарыфаў на ЖКП у Беларусі застаецца нязменным.

11 лютага Міністэрства антыманапольнага рэгулявання і гандлю пракаменціравала пастанову ўрада, якой усталяваны тарыфы на ЖКП на бягучы год. Яна прынята ў развіццё ўказу Прэзідэнта (у ім вызначаны лімітавыя значэнні тарыфаў). Захоўваецца паэтапнасць павышэння. Камунальныя паслугі вырастаюць, як і раней, двойчы за год - са студзеня і чэрвеня.

Тарыфы на электраэнергію для насельніцтва з 1 студзеня павышаюцца на 11,9 %. Не змяняюцца цэны на прыродны газ, яны застаюцца на ўзроўні мінулага года. На звадкаваны цэны падраслі на 5 %.